Xuntanzas preparatorias con Xosé Cobas

Para poñer en marcha o proxecto “Arte na Escola” contamos coa colaboración de Xosé Cobas con quen participamos en varias xuntanzas de traballo. 

En primeiro lugar estivemos no CEIP O Graxal, onde recibimos a entusiástica acollida das compañeiras.  Os grupos que van traballar van desde Infantil ata 6º de Primaria. Cobas propúxolles varios temas en función das idades. Ficaron encantadas e nós intranquilos por tanto entusiasmo. Seremos quen de non defraudar?

Tamén estivemos no CEIP Portofaron coas tres titoras de 6º. Xosé Cobas expuxo as súas ideas que foron acollidas moi favorablemente polas tres compañeiras.

E, finalmente, tamén estivemos no IES Afonso X.